નુકશાન

  • આ જીવાતની ઈયળ (ચિત્ર ૧) છાલમાંથી થઈને ગોળ કાણાં કરીને થડમાં અંદર ઘુસી જાય છે અને છાલની જીવંત પેશીઓ ખાય છે (ચિત્ર ર). આ જીવાતનો ઉપદ્રવ જે ઝાડમાં થાય તે થડના જમીન ઉપર અડી રહેલા ભાગમાં નાનું કાણું જોવા મળે છે.
  • આ જીવાત ની ઈયળ ધ્વારા થડમાં જે કાણાં કરવામાં આવે તે ફલોએમ વાહિકાઓને (સેપવુડ) નુકસાન પહોંચાડે છે જેથી પાન અને ફળો ના ઉત્પાદન ઉપર માઠી અસર પડે છે. ઉપદ્રવિત ઝાડના થડમાં કરેલા કાણાંમાંથી જીવાત ધ્વારા ચાવેલી છાલ અને આ જીવાતનું મળ જોવા મળે છે.
  • આ જીવાતથી ઉપદ્રવિત ઝાડના લક્ષણોમાં સોથી પહેલા પાન પીળા થઈને ખરી જાય છે, ધીમે ધીમે ટોંચની ડાળીઓ સુકાય જાય છે અને છેલ્લે આખુ ઝાડ સુકાય જાય છે. જયારે આ જીવાત ઝાડના કોષો ખાય ત્યારે વાયોલીન જેવો અવાજ આવે છે. ઝાડની સુકી અને પોચી ડાળીઓમાં આ જીવાત ચપ્પુથી કાપીએ તો જોવા મળે (ચિત્ર ૩).
  • આ જીવાતની માદા કીટક (ચિત્ર ૪) અંડાકાર અને પોચી છાલની અંદર ઈંડા મુકે છે. ઈંડા અવસ્થાનો સમય ૪–૬ દિવસ, ઈયળ (ભુસા) અવસ્થા ૬ થી ૭ માસ સુધી રહે છે.  ઈયળ પછી કોશેટામાં પરિવર્તિત થાય છે અને ઝાડના થડમાં જ ૬૦ દિવસ સુધી આ અવસ્થામાં જીવંત રહે છે. ત્યાર પછી ઉનાળામાં પુખ્ત કિટકમાં પરિવર્તિત થાય છે. આ જીવાતનું આખુ જીવનચક્ર ૧ વર્ષમાં પુરૂ કરે છે.
  • આ જીવાતનો ઉપદ્રવ શિયાળા અને ઉનાળા દરમ્યાન એવી ચીકુ વાડીઓમાં વધારે જોવા મળે જેઓમાં સમયસર ખેડકામ અને સ્વચ્છતા નથી રાખવામાં આવતી. આ સિવાય નજીકમાં ઉપદ્રવિત આંબાવાડીઓ હોવાથી પણ આ જીવાતનું ઉપદ્રવ ચીકુવાડીમાં વધાર[જોવા મળે છે. ઘણા વિસ્તારમાં આ જીવાતનો ઉપદ્રવ છુટાછવાયા પ્રમાણમાં જોવા મળે છે.