નુકશાન

  • આ જીવાત ચીકુના ફળની સાથે સાથે ચીકુના પાન, કળી અને ફુલને પણ નુકસાન પહોંચાડે છે. કાચા અને પરિપકવ બન્ને પ્રકારના ફળોમાં આ જીવાત કાણા કરે છે જેથી ફળ ઉપર કાણા દેખાય છે (ચિત્ર ૬.૬). ઘણીવાર ઈયળ આ કાણામાંથી નિકળતી દેખાય છે.
  • આ જીવાતના ઉપદ્રવથી ફળો ખાવા લાયક રહેતા નથી કેમકે ઈયળ ફળના અંદર માવાના બધા કોષોને નુકસાન પહોંચાડે છે (ચિત્ર પ). લગાતાર ખાવાથી આ જીવાતની હગાર રેશમી જાળા તથા ઝૂમખાં સાથે ઘણીવાર ફળ , પાન, કળી અને ફુલ ની અંદર અથવા ઉપર જોવા મળે છે (ચિત્ર ૧ અને ૩)P
  • ઉપદ્રવિત ફળ જયારે જાળા સાથે જમીન ઉપર પડે ત્યારે આ જીવાતની ઈયળ કોશેટોમાં પરિવર્તિત થવાની પ્રક્રિયા જમીનની અંદર થાય છે અથવા કોશેટો ઉપદ્રવિત ફળ ઉપર બનાવે છે (ચિત્ર ૭).
  • કોઈ વાર એવુ પણ થાય કે જે કાણામાંથી બીજ કોરી ખાનાર ઈયળ ફળ માંથી નીકળે તે કાણાંમાંથી આ જીવાત ફળની અંદર જઈને માવો બગાડે છે. આ જીવાતની ઈયળ જુદા જુદા રંગની જોવા મળે છે (ચિત્ર ર અને ૪). આ જીવાતનું પુખ્ત કીટક પીળા રંગનું અને કાળા ટપકાં હોય છે (ચિત્ર ૮).
  • આ જીવાતનો સોથી વધારે ઉપદ્રવ ફળ આવતા હોય ત્યારે માર્ચ થી મે માસમાં દેખાય છે. છેલ્લા અમુક વર્ષોથી આ જીવાતના  ઉપદ્રવ ચીકુમાં વધતા જોવા મળે છે.