વ્યવસ્થાપન

• આ  જીવાતના નિયંત્રણ માટે  ઉપદ્રવિત પાનના ઝુમખા અને પાન વાળનારી ઈયળ સહિત તોડીને નાશ કરવો.
• વાડીની સ્વચ્છતા જાળવવી તેમજ વાડીમાં નુકશાન પામેલ પાનનો અને ડાળીઓનો સમયાંતરે નિયમિત ભેગાં કરી તેનો નાશ કરવા[જેનાથી જીવાતના ફેલાવાતી અટકાવી શકાય છે.
• ઉપરોકત જીવાતોના સંકલિત નિયંત્રણ માટે શરૂઆતમાં ઓછો ઉપદ્રવ હોય તો લીમડા આધારીત જંતુનાશક દવાના ૩૦ મિ.લિ. ૧૦ લી. પાણીમાં બનાવી છંટકાવ કરવો અથવા લીમડાના બીજના મીંજમાંથી બનાવેલ પ ટકાના દ્રાવણનો છંટકાવ કરવો સાથે સ્ટીકર અથવા કપડાં ધોવાનો પાવડર ઉમેરવો.
• રાસાયણિક નિયંત્રણ માટે મોજણી કરતાં રહેવું અને જો ૧૦ ટકાની ઉપર ઉપદ્રવિત પાન જોવા મળે ત્યારે છંટકાવ કરવો.
• જૈવિક નિયંત્રણ માટે એપેનન્ટેલીસ સ્પી. અને યુરીટોમા સ્પી. જેવા પરજીવી તથા પરભક્ષી કિટકોની સંખ્યા કુદરતમાં જળવાઈ રહે અને તેની વસ્તી વધારવાં માટે પ્રયાસ કરવા જોઈએ.
• આ ઉપરાંત કળી કોરનાર ઈયળ માટે પાક સંરક્ષણના પગલાં હાથ ધરવામાં આવેલ હોય તો આ જીવાતનું પણ નિયંત્રણ થઈ શકે છે. સામાન્ય રીતે જીવાતો નિયંત્રણ માટે વપરાતી દવાનો છંટકાવ તજજ્ઞની સલાહ લઈ કરવો.